忙完喇.....終於

唉.......手頭上的那個大case終於忙完......

有幾大?? 我只係知份contract 寫左..我地既收費係660000美金咁囉....

就係因為呢個美金....我呢兩個月番工既日子就好似去打仗咁.....

到依家先可以好c 服咁吸番啖氣...

唔該....下次有新case...唔好俾呢種我喇....我受唔起的

就是這一刻

剛剛睇完北京奧運開幕禮.....實在是非常感動...

很多幕都令人流下帶著驕傲, 振奮, 光榮既淚.....

最後一幕, 由李寧在會場的飛簷走壁......我已禁不住自己的情緒....雙手抱著自己的臉頰, 呼出了讚嘆的一聲......這是多麼觸動心靈的畫面......

當亞視的主持人說"這一幕感到是寓意著中國是走了多麼長而艱辛的路, 才走到終能舉辦奧運的這一刻"

我的淚也跟隨著李寧的步伐一起流下來....

心裡對張藝謀導演更加是感到萬分的感激....感謝他為北京奧運帶來完美的揭幕....

"相好"@ LKF

星期三晚同朋友去左蘭桂芳飲野…有好耐無見既朋友, 第一次見既又有..

有女…有男..呀…唔係…其實都係女only….XDDD

太高興…高興n年無出現既場景一一重現

抱住個馬桶嘔….要人送番屋企….無除con 就訓….第二朝(果朝起身先發覺手提個screen display 壞左….銀包無左張500蚊但係多左300蚊…

跟住就緊係請sick leave 喇……………

雖然嘔同埋個頭痛到爆係真係幾辛苦下…但係可以玩得咁開心…又真係唔介意…

工作之後的快樂

「一份工作完成前，你應該只會好想快叉點完成，然後立刻走去做可以令自己最快樂的事！」

從UNCLE BEACH 的BLOG 中看到這一句, 真係很同意....

在剛剛的BUSY的星期, 完成了大老板要我做的事.......熬過了那個難堪的TRAINING....星期六終於可以做一些今自己開心一點的事情...

早上時間就與美神一起去公司安排的COOKING CLASS, 煮+食了一頓很豐富美味的法國餐.

下午就由原本只是去醫院探小賊, 變成加插陪同出院, 並一起再去合興享受了一餐好滿足的打邊爐...

工作完成之前的那種WORRY及DISAPPOINTED, 好像都沒有了....

到了星期一, 又是一個新開始...............

買左喇

我好耐都茅買過CD喇...因為無乜邊個真係我好LIKE令我想買..

今次真係唔係講笑, 賣飛佛-蕭敬騰出專輯, OF COURSE 要十卜...

連碟附送專輯HIT歌-"收藏"既琴譜...可惜我唔曉彈琴架呢...

有相睇喇...YEAH

我地送既tricycle...yeah...見到佢咁樣...就知佢鐘意...!!

美女圖...哈哈哈哈哈...

高人???

我尋晚發了很奇怪的夢…..

夢入面係..我同小賊+Pheobe一齊去SA姐屋企 @.@??

都唔緊要…仲要係入到一間房….有一個高人幫我睇相…???

佢同我講…兩年後我既工作會有所變動…但係最搞笑係…佢話到第三年...我命裡會認識權貴…到時會介紹d 闊太俾我識喎…

如果係都唔錯.....睇下今晚發夢有無follow up 先....XDDDDDDDDDDDDDDD

琳琳生日快樂(相後補)

今日既行程可以話係PERFECT!!

首先下午2點約了我個friend "中國舞"去TST睇SEX AND THE CITY....

可以講係一套absolutely 岩幾個女仔去睇既movie......

因為入面好多靚衫, 特別係婚紗...."VERA WANG 果件真係好掂"

佢地既日常生活...完全係講緊女仔既夢想......

所以我覺得入去睇呢套戲既男士....應該只係為左D sex scene 架姐....

套戲我覺得唔錯BOR.....都係有笑有淚........and有message 帶出來........

ending 亦都係大團圓........對呢排比較down既我來講...睇完真係C 服少少...

睇完戲...我地就去左今日第二重要既任務...就係去TOYSRUS 買禮物....

我地最後都如之前所決定...買了一部 MY MELODY 既三輪單車俾契女做birthday present.....(唔係我特登話要買MELODY 架...係我個friend 話契女鐘意MY MELODY 架咋.....無計.....)

買完之後...仲有時間去大家樂食個 TEA...

第一重要既任務呢???? 咁更係去我個friend 套同契女慶祝生日啦....

個party 好simple..都係同d 屋企人吹下蠟燭, 切下cake..送下禮物.....食下飯咁....but 已經very happy...

最開心就of course 係契女..........d 禮物多到真係...........

我都玩到好開心...因為佢地屋企人好funny又成日搞gag咁...講緊係D 長輩........

我都無諗過去契女生日PA...會有酒飲........D 長輩先係整左個有GIN 酒既fruit punch.....見到我地飲得........就對枝sake出來.........嘩........咁高興??? 飲呀~~~~~

走既時候, 我地同契女一家一齊落樓....因為太多禮物既關係....契女阿媽無手拖住個女............所以就叫我or "中國舞"拖住佢...我地一齊俾隻手佢揀...........佢望左一陣......最後of course 揀左我個隻啦...........(如果唔係揀我, 唔就旨意我係度寫出黎)

我地好開心咁拖住入lift, 拖住落到街....契女阿媽同契女講 "好喇, 拖番mommy 啦...同契媽講byebye 啦"

契女就好乖咁依然拖住我隻手....同佢阿媽講"byebye~~~~~~~~~~"

哈哈哈哈哈哈.............真係開心死我lu................真係抵錫lu..........

刷新紀錄

我諗我尋日真係腸抽筋抽到好疲...

我諗D 果枝止痛針真係好有效..

如果唔係..........................


我無理由可以由6:30PM 一直訓...訓下醒一醒再番訓.....REPEAT 又REPEAT 咁訓到今朝既8:30AM....足足訓左十幾粒.........刷新我訓得最金既紀錄.......連夜晚果餐都無食....

好勁!!!!!

到今朝醒左起身番工時....可能因為真係訓得太多...加上天色又昏暗.....硬係覺得自己好似訓過頭....已經遲大到咁FEEL..........

行出街...明明街頭碰見的人和物, 同平時都差不多....但總覺得好似有D唔同咁.........

好有趣既感覺............

對, 我錯了.....

如果廣告成日都話"打波先黎落雨, 連個天都唔鐘意我"

咁我就會係"長假期先黎心傷, 連個天都想玩我"

呢個世界上無野比家人誤解,唔明白自己後,and then 被定為無情既忤逆女呢個罪名更難受...

我做既都只係為屋企長遠好.....短線既佢只會覺得我冷血無情....

如果我真係可以做一個咁既女............可能會好過D...........

對於佢, 我係心恨手辣.........然而.....對於我.....只係覺得心灰意冷.............

原來為屋企付出, 著緊是錯的..........................

原來當我真係關心佢地時是錯的.........

原來我既長大及改變都是錯的..........

錯哂!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

同母親吵架, 被曲解AND定罪後...仲要被警告不要在父親面前表露出來才是對的...

贊成家人不為自己打算, 想買便要買才是對的....

如家人有金錢上的需要, 不出手幫助, 任由他們只係解決才是對的........

對, 我錯了.....

即日來回廣州之旅

Yesterday公司有D好 urgent 既 proposal 要俾個客, 所以我又"好好彩" 咁被委以重任做 PIZZA DELIVERY 呢個工作.....但係今次個客o係.........廣州.......

朝早開turbo 準備好15 本既proposal, 11點幾就好似番鄉下咁拖住個mini trolley 打的去火車站..

上到車, 12點30 好準時就開始出發!! 我搭既呢架係終點站去肇慶既 made in china 火車..所以係有 d 簡陋...不過都 ok 啦...

N 年茅搭過火車上廣州...咁難得......所以就好勇敢咁試下火車上面既便當...

入面有油雞, 菜, 火腿同煎蛋角...都 ok 喎....仲有個例湯茅影到...都唔錯...

平安到步, 即刻打的去個客到....o係的士影出街外......隔離線好塞車wor....

順利送左 d pizza 俾個客後, 就即刻又打的番車站, 希望可以搭早一班車番香港....

個天都幫我....俾我o趕到呢班開3點35分既火車, 仲要係香港九廣通既新款車...有兩層架.....好勁!!!

我坐係下面個層....我第一個落到去, 所以可以影到呢張相....

仲有電視睇添...

總括而言, 呢個即日trip 係好 rush, 個感覺就好似自己其實茅去過廣州, 只係搭左個火車而已.....哈哈.....

不過唔洗因為咁, 而再俾多個機會我....留香俾下位啦.....多哂~~~

死撐

星期五一朝早就要OT…7點30就番到公司準備d powerpoint 既printout….print & bind 好哂後....就要係8點45前送到皇室佬既client office…我呢d 熟手技工…8點30就送到…仲有成半個鐘..就梗係去嘆個早餐先返工啦

就o係皇室佬入面既freshness burger 度叫左個早餐set, 有salad, 包, 腸, 蛋同一杯熱古古力..

雖然個早餐就煮得慢左d, overall d 野食係ok 的, 但係問題就係出現o係度蛋度…

我係要炒蛋的, 黎到時, 我望左隻蛋一陣, 我唔覺得佢似炒蛋, 但更加唔係太陽蛋…咁佢夠景係乜蛋呢?

我就問果個waiter, “我好似係要炒蛋的, 但依家隻蛋好似唔係好似炒蛋, 你睇, 隻蛋好多白色位喎”
Waiter “唔好意思, 我可能個cook 發隻蛋發得唔係幾好, 所以會咁”

其實我心裡有數, 實情應該係個cook 唔記得左我係要炒蛋, 整整下知錯左就攪爛個蛋黃就算…

其實我就唔係好介意的..因為我係蛋怪, 用咩方式整既蛋, 我都like…我只係覺得個waiter 俾果個excuse 真係太excuse me 喇….明明隻蛋就係發都無發過既狀態, 佢都可以講話係發得唔夠好…只係一隻蛋only…唔洗咁都要死撐下嘛…唉…真係………

阿嬌都唔係咁天真同傻

我開始覺得阿嬌都唔係咁天真同傻…

連果d所謂既國際性感大明星(其實已經又老又out既莎東)都可以咁白痴低能, 講d唔係人講既說話.

阿嬌, 你又算得係咩呢.

依家全球咁多國家都出錢又出力, 或者表明支持脤災.

你個咁既阿毛都唔知係咪唔記得食藥, 係度亂發噏風.

依家食番藥, 知死就say sorry……我車!

好認同阿叻哥講既一句 “有無見過垃圾認錯!”

無錯, d 咁既垃圾鬼點會認錯

佢講既時候就應該知道惹起公憤架啦, 佢都照咁講既, 咁真係幫佢唔到

to:莎東

你是一個冷血無人性既低等生物, 上天給予你的所有, 真的是多餘

你這個漠視人命, 口出狂言既怪胎, 人人得而誅之.

將天災連繫到政治問題, 都證明你既IQ, EQ, 政治智慧都係負數得好緊要.

中國人係唔會接受你咁虛偽既道歉

我呸!!

聞名不如見面

KEEP FIT 第一期工程完成..當然要慰勞下自己...個肚...

聽朋友講佐敦吳松街一間打邊爐既牛牛好好食....不過好貴一碟....

之前一直都因為貴而有少少卻步.....好! 就去慶祝下先...

見到碟牛牛到場....第一個FEEL 就係"嘩! 好多雪花". 如果屋企部TV 係咁就屎得...

可以用靚字黎形容碟牛牛...

我o係未食之前, 為佢拍左張沙龍....

有圖片, 無老點!!!



$250一碟, 係真係有D貴....BUT真係物有所值...

放佢o係水入面浸一陣溫泉...放入口....即刻變左 M&M....只溶o係口...溶得黎又不至於無哂口感....仲好有牛牛味添...

食完呢碟後...我地再order另一碟198既.....不得不講...立刻真係比下去...

其實198已經係more than ok 的...但真係茅辦法...幫佢唔到...

鐘意食牛牛既朋友..真係不妨去試試...不過要book 位, 同埋要叫老板娘留定一碟250既牛牛...否則..."今晚又無你份喇"

契女-粉紅車神篇

你睇下佢...又大左喇. 呢個size 係最好攬的..

佢阿媽話契女好鐘意車 (好明顯係阿爸既遺傳), 你睇佢有哂姿勢架, 第時可能係車神.

呢件獅身人面, 呀唔係, 係獅頭魚尾 pinku kawaii t-shirt, 係我上年o係 "星馬全hea 美食團" 回程時買的, 今年終於岩著, 係咪好靚呢

廣告時間-TEE U UP 網上T-SHIRT店!!

係我在MALLID.COM 開既ONLINE T-SHIRT SHOP..得閒幫襯下!!

最"多心"的POST-蕭敬騰

這就是最近我最常做的東西......

我知道...你們一定會說我很變態........

我才不要理你們咧.....因為蕭敬騰真的是很棒哦....

所以就讓我在自己的BLOG 發瘋的說吧....還有發瘋的用那麼多的心心...

蕭敬騰 蕭敬騰 蕭敬騰 蕭敬騰 蕭敬騰!!!!

HAPPY EASTER!!

我未試過畫野畫得咁開心....哈哈哈

一路畫...一路忍唔住笑....wakakakaka

一家人

一家人一齊...硬係搞笑D既呢...

便當呀....便當呀..........

正所謂.."有圖片,無老點", 睇下真野先...

嗱...無老點架!!!

我諗可能真係有D貴啦...成78蚊個......我呢幾日去都無得買喇...=.=

便當....永遠懷念你!!!!

2008-2008

瑪仔很忙...

瑪館主最近因公事煩忙....要過幾日才能再開市...

不便之處, 敬請原諒!!


As 館主瑪 is very busy, will 開市 again after few days

Sorry for inconvenience


瑪san wa busy desu, 開市 wa few days desu

shu mi ma sen

行好一個市

恭喜發財呀!!!

年三十晚...我同美神去左維園行花市...大有收獲架呢..

果晚好多人呢....迫到我手上既燒賣CUSHION就黎扁哂..我同美神幾驚我地既NDS吹氣筆會迫爆架呢..

麻辣小瑪的由來

嘻嘻...我有時都真係幾唔知醜既...特別係去旅行既時候

亦都係因為呢件事, 所以我就開始叫自己做麻辣小瑪...嘩哈哈哈!!

新春大吉"鍋呸耙"

迎新春..當然要有新的wallpaper囉...

有齊各種size..任君選擇

Size 1280 x 1024

Size 1280 x 800

Size 1024 x 768

Size 800 x 600

小籠的重要

M: 請救救我!

自從XMAS之前弄的水晶甲開始增長後...我已經試過5次插進KEYBOARD裡...
但最奇怪的是...為什麼每次都是M...
M: 為啥米都是我受害 Orz !!

敏感..快走開!!